Moin leeve Lüüd,
nu geiht dat Johr to Neig´,n Barg Minschen hetzen all wedder dörch de „besinnliche“ Vörwiehnachtstied und keeneen hett de Tied, sik wirklich
op sik und de Welt to besinnen. Alltohop schnackt dorvun, dat dat ja wedder so stressig is, man mutt noch düt und man mutt noch dat, damit keeneen in´t Ümfeld ´n Flunsch treckt. De Gaben warn gröter und gröter und kunnen ni düer nuch sin, damit man wiesen kann, dat man wat hett und in düsse Gesellschaft wat tellt.
Und wenn man sik gegensietig dat Verspreken afnomen hett, dat keeneen den annern wat schenkt, so mutt man liekers rüstet sin, wiel, dat kunn ja angohn, dat de anner doch tofällig wat „genau för di“ passendet funnen hett.
Wie dat nu ok ween mag- ik wünsch jüm, dat jii to de wenigen Lüüd hört, de ok mol langsam moken künnt.
Dat ole Motto „Weniger is mehr“ is besonners in de kommerzige Wiehnachtstied een Wiesheit, de man sik ruhig mol dörch´n Breegen susen loten kann. Vertellt june Leeven doch, dat jii düsse moderne Piraterie nich mehr wüllt.
„Weniger is mehr“- dat tellt nich nur för de Schenkerie, ne, ok för dat Festeten.
Dat mut ja ni gliks nur Grönfudder sin, aber sik Gedanken to moken, wo denn dat Fleesch för den Wiehnachtsbroten wechkümmt und denn ok noch dorna to hanneln – dat hett Art! Leever´n beeten mehr Dolers op´n Disch leggen för een Diert ut fründliche Haltung, statt sik een vun düsse armen Kreaturen ut een vun de Massen-Turbo-Optreckanlagen, wie se in unse Gegend ja leider as Pilze ut´n Boden scheeten,ut´n Discounter to köpen. Dat schmölt nur in de Pann tosomen und ward toogg. Und noch een Rat: Eenfach ´n beeten mehr de Knabberliest bemöhen und geneten und nich nur rinschüffeln und schlucken! Dat hölpt ok noch gegen dat dick und rund warn!!!
So, nu noch de Opklärung för de Öberschrift: Vundaags hev ik mol in den Katalog vun den Volkshochschool bläddert und, dat licht ja noh, ik wull doch mol kieken, wat denn an plattdütsche Saken anboten ward – wat hev ik mi dor verfehrt! De Rubrik, ünner de de plattdütschen Kurse stohn, heet: „Deutsch für Deutsche“.
Is dor nu een politische Gesinnung to vermuten oder is dat för Lüüd, de keene dütschen Worteln hebbt, nich erlaubt, plattdütsch to schnacken!? Wat sall mi und annere Lüüd dat seggen!??
Ik kann de Verantwortlichen för de niee Oplag nur bitten, sik wat annert uttodenken.
So hett dat wat, wat mi an een grotet Riek erinnert, wat 1000 Johr holen schull, aver no een dutzend man good wedder vörbi weer. Aver vun düsse Schmoltköpp sall dat jo jümmers noch´n Barg geben…
Nu, leeve Lüüd, let jüm ni argern – ik wünsch jii all een schöne und BESINNLICHE Tied und een feine Rutsch in dat nächste Johr!
Bit denn!
Schreibe einen Kommentar
Du musst angemeldet sein, um einen Kommentar abzugeben.